Aris53m’s Blog

Καπνοχώρι Κοζάνης ή Σοφουλάρ

Ανέκδοτον: Ο Χίτλερ και ο Άγιον Πέτρον

Όντες έγράφτα ατό “Ο κόσμος άλλαξε, αλλάξαν οι καιροί, αγάπες βρίσκεις μοναχά στα παραμύθια… “ εντόκεν σο μαυλόμ ατό το ανέκδοτον άμα κι είχα ώραν να σκών’ ατο. Οσήμερον τιδέν κι φτάω και είπα ας μοιράσκουμαι τ’ανέκδοτον μετ’ εσάς.

Ο Χίτλερ επήεν σον Άγιον Πέτρον και ερχίνισεν να λέει και να λέει νέπε αφσ εμέ να κατηβαίν’ αφκά … ο Άγιον Πέτρον εζαλίεν. Εφοόυτον ντο θα εφτάει ο Χίτλερ αφκα σην ιήν άμα το κηφάλ’νατ έντον άμον καζάν. Εκλωστεν και λέα τον: Αδά εν το χαρτίν, θα αφήνωσε 7 ημέρας άμα σα 7 ημέρας απάν θα κλώσκεσαι οπίς και δεν παλαλόν μη φτας…

Ο Χίτλερ εδέκεν ατον τον λόγον ατ και εκατήβεν αφκά σην ιήν. Άμα σε τρία ώρας επ’ εκεί εκλώστεν οπίς. Ο Πέτρον είδεν ατον και λέα τον. Ναι παλαλέ, ατόσον καιρόν έφαες τ’ωτία’μ να δίωσε χαρτίν να κατηβένς αφκα και σα τρία ώρας εκλώστες οπίς?

Ντο είδα εκανέθεν με είπεν ο Χίτλερ, ντο άλλο να έλεπα? Αφκα σην ιήν οι Οβραίοι πολεμούν και τεμόν οι Γερμανοί εφτάνε εμπόριον. Ατό κι κανείτε με?

November 3, 2009 Posted by | Ανέκδοτον | , , | Leave a comment

   

%d bloggers like this: